Адзіны дзень інфармавання, які пройдзе 21 чэрвеня ў гарадах і раёнах Магілёўскай вобласці, будзе прысвечаны тэме прыродных рэсурсаў і іх рацыянальнага выкарыстання ў Рэспубліцы Беларусь. Пра гэта карэспандэнту сайта паведамілі ў галоўным упраўленні ідэалагічнай работы і па справах моладзі аблвыканкама.

Кіруючыя работнікі аблвыканкама, яго структурных падраздзяленняў і абласных ведамстваў, якія ўваходзяць у склад інфармацыйных груп пад кіраўніцтвам членаў абласнога выканаўчага камітэта, а таксама члены інфармацыйных груп гар- і райвыканкамаў, адміністрацый Магілёва і Бабруйска выступяць у працоўных калектывах рэгіёна. Яны асветляць пытанні дзяржаўнай экалагічнай палітыкі Беларусі, а таксама раскажуць аб захаванні водных рэсурсаў, біялагічнай і ландшафтнай разнастайнасці, забеспячэнні якаснага стану атмасфернага паветра, развіцці «зялёнай» эканомікі, кантролі і адказнасці за парушэнне прыродаахоўнага заканадаўства.

У якасці дадатковых будуць асвятляцца тэмы: «Аб дзяржаўнай сямейнай палітыцы ў Рэспубліцы Беларусь, падтрымцы сям’і і дзяцей», «Аператыўная абстаноўка па пажарах у вобласці. Бяспека жыццядзейнасці дзяцей», «Летні адпачынак з клопатам аб фінансавай абароне здароўя і маёмасці».

Матэрыялы для членаў інфармацыйна-прапагандысцкіх груп