«Гарачую лінію» на час правядзення ўступнай кампаніі арганізуе Камітэт дзяржаўнага кантролю Магілёўскай вобласці. Пра гэта карэспандэнту сайта паведамілі ў ведамстве.

З 12 ліпеня па 6 жніўня з 9.00 да 13.00 і з 14.00 да 18.00 абітурыенты і іх законныя прадстаўнікі па нумарах 8 (0222) 22-18-97, 31-07-73, 31-07-75 могуць паведаміць кантралёрам інфармацыю аб парушэннях і недахопах у рабоце прыёмных і прадметных экзаменацыйных камісій навучальных устаноў рэгіёна, неналежных санітарна-бытавых умовах для абітурыентаў.