У Камітэце дзяржкантролю Магілёўскай вобласці 31 студзеня і 1 лютага будзе праводзіцца тэматычная «гарачая лінія». Пра гэта паведаміў намеснік старшыні камітэта Аляксей Іглікаў.

У названыя дні з 10.00 да 13.00 і з 14.00 да 18.00 па тэлефоне (80222) 25-87-47 грамадзяне могуць выказаць меркаванне аб якасці абслугоўвання і даступнасці медыцынскіх паслуг, паведаміць аб фактах неабгрунтаванага накіравання на платнае абследаванне (лячэнне), незаконным і неэфектыўным выкарыстанні дзяржаўных сродкаў і маёмасці, іншых парушэннях і злоўжываннях у сферы аховы здароўя.

Камітэт дзяржкантролю таксама цікавіць меркаванне саміх медыцынскіх работнікаў аб наяўнасці праблем у названай сферы і шляхах іх вырашэння.