Гарадская спартландыя «Школьны кубак» для сябраў ГА «БРСМ» адбудзецца ў Магілёве 23 студзеня. Спаборніцтвы пройдуць з 10.00 да 14.00 на базе спартыўнага комплексу Магілёўскага дзяржаўнага ўніверсітэта харчавання (пр-т Шміта, 5в).

Штогадовыя спаборніцтвы збяруць навучэнцаў 9-11 класаў школ абласнога цэнтра. Удзельнікі творча прадставяць свае каманды. Іх чакаюць пікеты са спартыўнымі выпрабаваннямі, стральба ў ціры.

Падчас спартландыі запланавана экскурсія па ўніверсітэце, канцэртныя нумары студэнцкай моладзі.

Арганізатарамі спаборніцтваў выступаюць Магілёўскі гарадскі камітэт ГА «Беларускі рэспубліканскі саюз моладзі» і МДУХ.