III гарадскі конкурс дзіцячай і юнацкай творчасці «Магілёўскія зорачкі» пройдзе 20-24 сакавіка на базе ДУДА «Цэнтр творчасці «Эверэст» г. Магілёва» (пр-т Дзімітрава, 65).

Удзел у конкурсе прыме больш за 200 навучэнцаў ва ўзросце ад 6 да 18 гадоў з устаноў агульнай сярэдняй і дадатковай адукацыі абласнога цэнтра. Яны праявяць свае творчыя здольнасці ў намінацыях: вакальны жанр (народны вакал, эстрадны вакал, саліст-вакаліст, вакальны ансамбль малых формаў) і мастацкае слова (чытальнікі, майстар мастацкага слова).

У склад журы ўвойдуць прадстаўнікі Магілёўскай абласной філармоніі, таварыства беларускай мовы, Палаца культуры вобласці, бібліятэкі імя Я. Купалы. Акрамя таго, уменні дзяцей будуць ацэньваць спецыялісты Цэнтра творчасці «Эверэст» і аддзела адукацыі, спорту і турызму Магілёўскага гарадскога выканаўчага камітэта, якія выступаюць арганізатарамі спаборніцтва.

Мэтай конкурсу з’яўляецца стварэнне ўмоў для рэалізацыі творчага патэнцыялу навучэнцаў, выяўленне і падтрымка таленавітай моладзі, папулярызацыя творчасці беларускіх аўтараў і выканаўцаў, патрыятычнае выхаванне моладзі сродкамі роднай мовы.

20 сакавіка з 10.00 да 16.00 – праслухоўванне ў намінацыі вакальны жанр;

21 сакавіка з 10.00 да 15.00 – праслухоўванне ў намінацыі мастацкае слова;

24 сакавіка ў 14.30 – узнагароджанне пераможцаў, выніковы канцэрт.