Гарадской сямейнае свята «Экалагічная гасцёўня» пройдзе 21 кастрычніка на базе эколага-біялагічнага цэнтра дзяцей і моладзі Магілёва (вул. Чалюскінцаў, 162). Пра гэта карэспандэнту сайта паведамілі ва ўстанове дадатковай адукацыі.

Паводле слоў суразмоўцаў, у мерапрыемстве прымуць удзел каманды-пераможцы этапаў аналагічных спаборніцтваў ад устаноў агульнай сярэдняй адукацыі.

«Праграма свята складзена такім чынам, каб максімальна задзейнічаць у конкурсах усіх членаў сям’і, раскрыць іх творчы патэнцыял», – падкрэслілі суразмоўцы. Так, у візітнай картцы удзельнікам неабходна ў незвычайнай форме прадставіць сям’ю, расказаць аб прафесійнай дзейнасці, сямейных захапленнях, а таксама праскандаваць свой дэвіз. Далей ідуць экалагічная размінка, гульні і конкурсы з гледачамі.

Цікавым абяцае стаць блок майстар-класаў. Дзецям прапануюць урок па вырабе кветкавай міні-кампазіцыі, мамам – гаючага фітачаю, а татам – сувеніры з прыроднага матэрыялу.

Завершыцца свята экскурсіяй па ўстанове адукацыі, чаяваннем і ўзнагароджаннем пераможцаў.

Пачатак мерапрыемства – у 10.00.

Дабрацца да эколага-біялагічнага цэнтра можна тралейбусамі №№ 2, 7, аўтобусам №3. Прыпынак – «Рабочы пасёлак».