Гран-пры тэатральна-інструментальнага этапу міжнароднага фестывальнага праекта «Звездочет» дастаўся скрыпачцы з Магілёва, навучэнцы дзіцячай школы мастацтваў №2 Віялеце Уласевіч (клас Анастасіі Багуновай). Пра гэта карэспандэнту сайта паведамілі ў аргкамітэце мерапрыемства.

Акрамя тытула, пераможца атрымала крыштальную статуэтку праекта, набор струн для скрыпкі, сертыфікат на бясплатнае вывучэнне англійскай мовы, магчымасць прадстаўляць Беларусь без арганізацыйнага ўнёску на Гранд-фестывалі пераможцаў «Звездочет», які адбудзецца 21-24 лістапада ў Магілёве, і мноства іншых падарункаў. Акрамя таго, Віялеце акажуць дапамогу ў прасоўванні праз інтэрв’ю на радыё, у газетах і тэлебачанні.

«Хто пераможца, журы вырашыла аднагалосна. Пачуццё рытму, чысціня інтанавання, харызматычнае выкананне і перажыванне музычнага матэрыялу – вось што прывяло да перамогі юную Магілёўскую скрыпачку. Жадаем, каб зоркі Віялеты заўсёды сыходзіліся, а фестываль «Звездочет» – квітнеў», – адзначыў член журы інструментальнага конкурснага этапу, дырэктар магазіна «Твой звук» Мікіта Шаламіцкі.

За права стаць найлепшым у трэцім этапе на працягу 12 гадзін у сценах Беларуска-Расійскага ўніверсітэта спаборнічала больш за 300 артыстаў інструментальнага, тэатральнага жанраў і тэатраў мод з 16 гарадоў Сінявокай. Пераможцаў вызначалі ў намінацыях: «Тэатр» (спектакль музычны, драматычны, камерны; тэатр танца, лялек, ценяў), «Эксперыментальны жанр» (гумар і г.д.), «Інструментальны жанр», «Канферанс», «Блогер/журналіст», «Мастацкае слова», «Тэатры мод».

Адразу некалькі дыпломаў заваявала «Дзюймовачка» тэатральнай студыі «Бубенчыкі» з Гродна – іх Магілёўская публіка сустрэла вельмі цёпла. Пластыку і ўменне пераўвасабляцца ацанілі члены журы пасля выступлення больш дарослага калектыву пад назвай «Надзея». Адна з узнагарод, якую атрымала гэтая група – «За найлепшую рэжысёрскую пастаноўку». А дзве дзяўчыны з тэатраў мод выйгралі паездку на Міжнародны конкурс прыгажосці «Grand Miss», які пройдзе ў Італіі.

«Тэатральна-інструментальны конкурс міжнароднага фестывальнага праекта «Звездочет» адбыўся напярэдадні V Форума рэгіёнаў Беларусі і Расіі ў Магілёве. Сёння абласны цэнтр знаходзіцца ў сваёй самай лепшай форме і ўразіў гасцей утульнасцю і стылем. Разумеючы ўсю важнасць прасоўвання юных талентаў, праект падтрымліваюць улады рэгіёна, інфармацыйныя партнёры, вядучыя брэнды Беларусі і дэпутат Палаты прадстаўнікоў Нацыянальнага сходу Рэспублікі Беларусь Вольга Петрашова. Я рада, што ўдалося аб’яднаць намаганні і сумесна зрабіць сапраўдны фестываль дзіцячай творчасці, які ўключае, акрамя конкурснай праграмы, шырокую адукацыйна-забаўляльную частку», – адзначыла арганізатар праекта Юлія Антоненка.

Наперадзе – вялікі Гранд-фестываль пераможцаў «Звездочет», дзе сустрэнуцца ўдзельнікі вакальнага, танцавальнага і Тэатральна-інструментальнага этапаў конкурсу.

Фестывальны праект «Звездочет» стартаваў у маладзёжнай сталіцы Беларусі ў пачатку года з конкурсу вакалістаў, затым прайшоў танцавальны этап. За гэты час конкурс набыў тысячы сяброў з розных куткоў планеты. Падставай вяртацца на фестываль з’яўляюцца ўнікальныя «фішкі». Тут клапоцяцца аб важных момантах: ад арганізацыі конкурснай праграмы да зоны чакання юных артыстаў. Асаблівасць фестывалю і ў адкрытым галасаванні журы адразу пасля выступлення артыстаў і ў насычанай каляконкурснай праграме. Кожны ўдзельнік вязе сувенір і масу ўражанняў.

Арганізатарамі міжнароднага шматжанравага фестывальнага праекта «Звездочет» з’яўляюцца аддзел ідэалагічнай работы і па справах моладзі Магілёўскага гарвыканкама, Магілёўская гарадская арганізацыя ГА «Беларускі саюз жанчын», Магілёўская гарадская арганізацыя ГА «БРСМ», прадзюсарскі цэнтр «Звездочет». Праект мае мноства партнёраў.

Спампаваць палажэнне аб Гранд-фестывалі «Звездочет», задаць пытанні можна Вконтакте і па тэлефонах: + 375293396106; + 375297474467.