Грыбы шыітаке пачалі масава вырошчваць у Крычаўскім раёне. Гэта буйны кітайскі інвестыцыйны праект.

Таварыства з абмежаванай адказнасцю «Інфэн» (літаральна азначае «ўдалы ўраджай») размясцілася на тэрыторыі старой вайсковай часці каля вёскі Чырвоная Буда.

Спатрэбіўся год падрыхтоўчай работы, каб выраслі першыя грыбы. Ужо ў гэтым тут кожны дзень маюць намер збіраць 20-30 т шыітаке, а праз тры гады плануюць вырабляць 200-300 т за суткі.

Ідэя стварэнне кітайскага прадпрыемства ў Крычаўскім раёне нарадзілася з глабальнай ідэі новага Шаўковага шляху – транспартнай сістэмы, якую прасоўвае Паднябесная ў супрацоўніцтве з іншымі краінамі, у тым ліку Беларуссю, для перамяшчэння грузаў па сушы з Азіі ў Еўропу.

На X інвестфоруме «Млын поспеху» Магілёўскі аблвыканкам і «Інфэн» падпісалі дамову аб рэалізацыі інвестпраекта ў Крычаўскім раёне, дзе дзейнічаюць прэферэнцыі, накіраваныя на развіццё паўднёва-ўсходняй тэрыторыі Прыдняпроўскага краю.

Каб вырошчваць шыітаке, пакеты з міцэліем прывезлі з Кітая. Кантэйнеры прыбываюць. Усяго іх павінна быць 500 тыс. штук. Кожны пакет, на якім растуць грыбы, дае чатыры ўраджаі. Далей міцэлій будуць вырабляць на прадпрыемстве самі.

Крычаўскія шыітаке збіраюцца прадаваць у Беларусі, але большую частку адпраўляць у Расію. Ужо ёсць дамоўленасць з Масквой аб пастаўках у вядомую французскую гандлёвую сетку гіпермаркетаў.

Па матэрыяле ТРК «Магілёў»