Калектыву ААТ «Папяровая фабрыка «Спартак»» прысуджана прэмія Федэрацыі прафсаюзаў Беларусі 2019 года ў галіне працы. Пра гэта паведамляецца на сайце Беларускага прафесійнага саюза работнікаў лесу і прыродакарыстання.

Нараўне з прысуджэннем прэміі ў намінацыі «Прамысловасць і будаўніцтва» за дасягненне высокіх паказчыкаў у сацыяльна-эканамічным развіцці арганізацыі, калектыву таксама прысвоена званне лаўрэата з уручэннем Ганаровага знака ФПБ, дыплома і грашовага ўзнагароджання.

Урачыстае ўшанаванне лаўрэатаў прэмій Федэрацыі прафсаюзаў Беларусі адбудзецца ў маі бягучага года.