Калектыву Магілёўскага абласнога ўпраўлення Дэпартамента аховы МУС прадстаўлены новы кіраўнік. Ім стаў Аляксандр Шэпелеў, паведамілі ў прэс-службе ведамства.

Службу ў органах унутраных спраў Аляксандр Шэпелеў пачынаў міліцыянерам атрада спецыяльнага прызначэння УУС Магілёўскага аблвыканкама. З 1996 года працуе ў службе аховы. У паслужным спісе пасады камандзіра аддзялення батальёна міліцыі, камандзіра ўзвода, камандзіра роты. У 2016 годзе быў прызначаны начальнікам Ленінскага аддзела аховы, а літаральна праз год стаў першым намеснікам начальніка абласнога ўпраўлення, узначаліўшы аддзел міліцэйскай ваенізаванай і вартавай аховы.

У новай пасадзе Аляксандра Шэпелева прадставілі першы намеснік начальніка Дэпартамента аховы, палкоўнік міліцыі Віктар Кулявец і першы намеснік начальніка УУС Магілёўскага аблвыканкама палкоўнік міліцыі Аляксандр Васільеў.

«Высокія маральныя і дзелавыя якасці палкоўніка Шэпелева, выдатная і плённая дзейнасць Магілёўскага абласнога ўпраўлення паслужыла стабільнасці ў працы ўсяго дэпартамента ў цэлым», – адзначыў у сваім звароце да калектыву Віктар Кулявец. Ён таксама выказаў упэўненасць, што падраздзяленні аховы вобласці і ў далейшым будуць паспяхова вырашаць пастаўленыя задачы.

Фота – Магілёўскае абласное ўпраўленне Дэпартамента аховы МУС