Рэспубліканскі семінар па развіцці студатрадаўскага руху адбудзецца 19 чэрвеня ў Магілёве. Мерапрыемства пройдзе на базе МДУ імяА. А. Куляшова (вул. Касманаўтаў, 1). Пра гэта карэспандэнту сайта паведамілі ў абласным камітэце ГА «БРСМ».

У семінары прыме ўдзел каля 120 чалавек: прадстаўнікі абласных і гарадскіх штабоў студэнцкіх атрадаў, камандзіры і камісары студатрадаў усіх узроўняў.

Праграмай свята запланавана інтэрактыўная дзелавая гульня «Працоўны ажыятаж» па сістэме «роўны навучае роўнага». Моладзь зможа прайсці майстар-класы па вядзенні дакументацыі, сімволікі і атрыбутыкі студатрадаўскага руху, фарміраванні лідарскіх якасцяў, развіцці атраднай субкультуры. Таксама для ўдзельнікаў семінара арганізуюць трэнінг «Арганізацыя работы з наймальнікамі», які правядзе кіраўнік школы прамоўніцкага майстэрства і асобаснага развіцця ВалянцінаСмычкова. Акрамя таго, хлопцы і дзяўчаты наведаюць музей гісторыі УА «Магілёўскі дзяржаўны ўніверсітэт імя А. А. Куляшова».

Завершыцца дзень урачыстай цырымоніяй узнагароджання пераможцаў рэспубліканскага конкурсу «Працоўны семестр» на самы лепшы студэнцкі атрад і арганізацыю, якая прымае студэнцкі атрад, а таксама круглым сталом «Сістэма арганізацыі студатрадаўскага руху ГА «БРСМ»».