Каманда Гарэцкага райста заваявала Гран-пры абласнога конкурсу-семінара кухараў, кандытараў і афіцыянтаў арганізацый спажывецкай кааперацыі. Двухдзённае спаборніцтва прайшло ў быхаўскім рэстаране «Днепр». Сваё ўменне і прафесіяналізм дэманстравалі ўдзельнікі з 18 раёнаў.

Кандытары прадстаўлялі эксклюзіўны вясельны торт, вырабы для так званага «кенды-бара», уключаючы кейк-попсы, капкейкі, міні-пірожныя і печыва. Яшчэ адным выпрабаваннем для тартапекаў стаў кандытарскі арт-клас на тэму «Дзіцячае свята». Кухары спаборнічалі ў прыгатаванні халодных і гарачых закусак, страў для наведвальнікаў рэстарана ў вячэрні час, пельменяў. Перад тым як прыступіць да абслугоўвання кліентаў, афіцыянты спаборнічалі ў майстэрстве кававарэння.

Строгае, але справядлівае журы пільна сачыла за працэсам гатавання і падачы страў. У выніку найлепшым барыста прызнана Алена Радзівонава, якая прадстаўляла Быхаўскае райпо, а найлепшым поварам – спецыяліст Горацкага райста Таццяна Сімянкова. Абышла сапернікаў кандытар Магілёўскага райста Таццяна Акулава. Заўсёды задаволеныя будуць кліенты ў Таццяны Івановай з Клімавіцкага райста.