Каманда Магілёўскага аэраклуба перамагла ў Адкрытым чэмпіянаце Беларусі па самалётным спорце, які адбыўся на аэрадроме Нова-Пашкава, паведамілі ў прэс-службе ДТСААФ.

У камандным першынстве першае месца заваявала каманда Магілёўскага аэраклуба ў складзе Дзяніса Шкарэнды, Дзмітрыя Пашчука, Віталя Шамардзіна. Другое месца занялі таксама магілёўцы Фёдар Гануцін, Аляксандр Данской, Наталля Палякова. Бронзавым прызёрам стала каманда «Югра» з Расіі.

У самым прэстыжным спаборніцтве на Як-52 залаты медаль заваяваў намеснік начальніка Магілёўскага аэраклуба па лётнай падрыхтоўцы майстар спорту Беларусі па самалётным спорце Віталь Шамардзін. Сярэбраная ўзнагарода ў Аляксандра Мякішава з каманды «Югра», а замкнуў тройку прызёраў беларус Фёдар Гануцін.

У Адкрытым чэмпіянаце Беларусі па самалётным спорце прынялі ўдзел спартсмены з Расіі, Украіны і Латвіі.

БЕЛТА