Магілёўская кампанія «КУВО» стала рэзідэнтам кітайска-беларускага індустрыяльнага парка «Вялікі камень». Аб гэтым паведамляецца на сайце парка.

Прадпрыемства мае намер рэалізаваць праект па высокааўтаматызаванай вытворчасці шкла для ўсіх відаў наземнага транспарту. Асноўнай яго ідэяй з’яўляецца стварэнне ў парку буйнога завода па вытворчасці бяспечнага шкла для транспарту, у тым ліку для легкавых аўтамабіляў. Каля 70% прадукцыі будзе рэалізоўвацца на экспарт. Пачатак яе выпуску чакаецца ўжо ў пачатку 2019 года.

УПВП «КУВО» – найбуйнейшы ў СНД вытворца шырокай наменклатуры шкла для пасажырскага транспарту, сельгастэхнікі і спецтэхнікі.