Майстар-кандытар ААТ «Булачна-кандытарская кампанія «Дамачай»» Іна Варэннікава заваявала залаты медаль на міжнародным конкурсе кандытарскіх дэкарацый, які прайшоў падчас міжнароднай выставы ExpoSweet у Варшаве. Пра гэта паведамілі ў прэс-службе Міністэрства сельскай гаспадаркі і харчавання.

Такую высокую ўзнагароду неаднаразовы пераможца і прызёр розных спаборніцтваў атрымала за дэкаратыўную кампазіцыю з мадэльнай пасты.

У конкурсе прынялі ўдзел больш за 100 кандытараў з 10 краін. У скарбонцы беларускай зборнай, акрамя золата Іны Варэннікавай, Гран-пры, прыз глядацкіх сімпатый, 4 залатыя, 3 сярэбраныя і 1 бронзавы медаль.

Фота Мінсельгасхарча