На пасяджэнні калегіі Камітэта дзяржкантролю Магілёўскай вобласці дадзена ацэнка працы мясцовых органаў улады па сацыяльна-эканамічным развіцці Чавускага раёна, выкананні заканадаўства пры фарміраванні і выкарыстанні бюджэту. Пра гэта паведаміў намеснік старшыні камітэта Аляксей Іглікаў.

Калегіяй звернута ўвага райвыканкама і яго службаў на неабходнасць прыняцця вычарпальных мер па забеспячэнні збалансаванасці бюджэту, узмацненні кантролю за выкананнем бюджэтна-фінансавай дысцыпліны, задзейнічанні ўсіх наяўных у рэгіёне рэзерваў павышэння эфектыўнасці гаспадарання.

Па выніках кантролю вернута ў бюджэт Br62 тыс., скарочана фінансаванне на Br85 тыс., 16 работнікаў дзяржаўных органаў і арганізацый раёна прыцягнуты да адміністрацыйнай адказнасці, 15 – да дысцыплінарнай.

Матэрыялы Калегіі накіраваны Камітэтам для паведамлення і прыняцця мер рэагавання зацікаўленым дзяржаўным органам, выкананне ўнесеных прапаноў узята на кантроль.