Камітэтам дзяржкантролю Магілёўскай вобласці праведзены маніторынг ходу выканання ў рэгіёне даручэння кіраўніка дзяржавы аб добраўпарадкаванні тэрыторый, паляпшэнні іх санітарнага стану, навядзенні парадку на вытворчых аб’ектах, ліквідацыі фактаў безгаспадарчасці.

Устаноўлена, што ў вобласці арганізавана і праводзіцца неабходная работа, створаны абласны, 23 раённыя і гарадскія штабы па навядзенні парадку на зямлі і зацверджаны склад 24 рабочых груп па абследаванні тэрыторый. Усяго ў працэс кантролю ўцягнута больш за 600 спецыялістаў дзяржорганаў і арганізацый рэгіёна.

Разам з тым у поўнай меры парадак пакуль не наведзены. У тым ліку ў гарадах, дзе кантралёрамі выяўлены неаднаразовыя парушэнні і недахопы, звалкі будаўнічага і бытавога смецця, а таксама напаўразбураныя і (або) незавершаныя будынкі, якія з’яўляюцца патэнцыйна небяспечнымі для грамадзян. Таксама патрабуе больш пільнай увагі стан спраў у лясным фондзе, на вытворчых тэрыторыях асобных прадпрыемстваў.

Па выніках маніторынгу Камітэта зацікаўленым унесены адпаведныя рэкамендацыі, іх выкананне ўзята на кантроль.