Кіраўскі раённы Дом культуры 4 лістапада прыме прафілактычную акцыю «Кіраўшчына – тэрыторыя здароўя». Пра гэта паведамілі ў райвыканкаме.

Праграмай запланаваны шэраг мерапрыемстваў па прапагандзе здаровага ладу жыцця, бяспекі жыццядзейнасці, правільнага харчавання.

У прыватнасці, будзе працаваць міні-паліклініка, дзе кожны жадаючы зможа атрымаць кансультацыі ўрачоў-спецыялістаў, здаць аналізы крыві, у тым ліку на халестэрын і глюкозу, зрабіць электракардыяграму, вызначыць масу цела. Акрамя таго, для наведвальнікаў арганізуюць фітабар «Гаючыя травы» і гандаль з дэгустацыяй «Здаровыя і карысныя прадукты харчавання».

Пачатак акцыі а 10.00.