Унікальны зборнік «Магілёў у падарожных нататках і ўспамінах гасцей 1678-1918», выдадзены ў год 750-годдзя Магілёва, паступіў у адкрыты продаж.

Першы тыраж выдання цалкам разышоўся па падпісцы: жадаючыя атрымаць кнігу афармлялі перадзамовы яшчэ на этапе падрыхтоўкі выдання. Цяпер гэты зборнік можна купіць і ў розніцы – у краме «Светоч» абласнога цэнтра.

Зборнік складаецца з 15 перакладзеных на беларускую мову гістарычных тэкстаў 1678-1918: Магілёў у розныя гістарычныя эпохі вачыма падарожнікаў і гасцей горада.

Укладальнік зборніка – калекцыянер старых фотаздымкаў Магілёва і знаўца гісторыі горада Алег Лісоўскі. Ён жа зрабіў пераклад усіх тэкстаў, што ўвайшлі ў кнігу, у асноўным з нямецкай мовы, а таксама з польскай, нямецкай і рускай.

«Прадстаўленыя тэксты – гэта не сухія гістарычныя факты, а жывы погляд звычайных людзей свайго часу, якія не толькі апісваюць выгляд горада, але таксама дзеляцца сваімі думкамі, разважаннямі наконт актуальнага на той момант гарадскога жыцця, – адзначае Алег Лісоўскі. – Гэта адзіная на сённяшні дзень крыніца, якая дае магчымасць адчуць атмасферу старажытнага Магілёва і паглядзець на мінулае горада вачыма сучаснікаў».

mogilevnews.by