Колькасць зарэгістраваных у рэгіёне індывідуальных прадпрымальнікаў узрасла на 782 чалавекі ў параўнанні з аналагічным перыядам мінулага года. Усяго на ўліку ў падатковых інспекцыях Магілёўшчыны знаходзіцца 23 309 ІП, паведамілі ў прэс-цэнтры ІМПЗ вобласці.

За студзень-кастрычнік 2018 года індывідуальныя прадпрымальнікі ўнеслі ў бюджэт Br46 млн. падаткаў і плацяжоў. У фактычным вылічэнні гэта на Br5,3 млн., або на 13% больш, чым за аналагічны перыяд мінулага года.

Удзельная вага паступленняў ад гэтай катэгорыі плацельшчыкаў склала 4,5%.