Курэнне ва ўсіх беларускіх пасажырскіх паяздах будзе забаронена з 27 ліпеня, паведамляецца на сайце Беларускай чыгункі.

З 27 ліпеня забараняецца курэнне ва ўсіх пасажырскіх паяздах. Гэта норма замацавана ў пункце 35 главы 11 Палажэння аб дзяржаўным рэгуляванні вытворчасці, абароту і спажывання тытунёвай сыравіны і тытунёвых вырабаў, вытворчасці, абароту і выкарыстання электронных сістэм курэння, вадкасцей для электронных сістэм курэння, сістэм для спажывання тытуню, зацверджанага дэкрэтам ад 24 студзеня 2019 года №2.

Ранейшымі правіламі было дазволена курыць у паяздах далёкага напрамку, у якіх прадугледжаны месцы, спецыяльна прызначаныя для курэння.

У БЧ нагадалі, што пры праездзе па тэрыторыі Расіі і Украіны курэнне ў паяздах забаронена.

БЕЛТА