Курсанты Магілёўскага інстытута МУС рыхтуюцца да прыняцця прысягі на вернасць Радзіме і беларускаму народу. Урачыстая цырымонія адбудзецца 31 жніўня ў 11.00 на мемарыяльным комплексе «Буйніцкае поле», паведамілі карэспандэнту сайта ва ўстанове адукацыі.

На святочнае мерапрыемства запрошаны кіраўнікі праваахоўных органаў, духавенства, а таксама сваякі і знаёмыя будучых супрацоўнікаў розных падраздзяленняў Міністэрства ўнутраных спраў нашай краіны.

У гэтым годзе словы клятвы ля абеліска загінулым у гады Вялікай Айчыннай вайны франтавікам вымавяць 135 юнакоў і 15 дзяўчат. Дзень прынясення прысягі стане для першакурснікаў адпраўным пунктам у жыцці і прафесіі. Дарэчы, хлопцы ўжо паспелі прайсці навучальны збор і асвоіцца ў сценах інстытута, дзе ім трэба будзе правесці найбліжэйшыя чатыры гады.