Прэзентацыя лабараторыі высокіх тэхналогій «СТАРТуем у IT!» адбудзецца сёння з 16.00 да 17.30 каля «Універмага» ў Бабруйску. Пра гэта паведамілі ў аддзеле тэхнічнай творчасці Цэнтра творчасці дзяцей і моладзі Бабруйска.

Падчас мерапрыемства жыхары горада на Бярэзіне змогуць пазнаёміцца з асноўнымі кірункамі дзейнасці лабараторыі, паспрабаваць зняць уласны мультфільм, убачыць працу 3D-друкаркі і спаборніцтвы па робататэхніцы, а таксама атрымаць поўную інфармацыю аб рабоце аб’яднанняў па інтарэсах тэхнічных напрамкаў і запісаць свайго дзіця.