Малады магіляўчанін трапіў у бальніцу хуткай дапамогі са скаргамі на боль у жываце. Ён сцвярджаў, што з’еў сырымі цэлых шэсцьдзясят грыбоў, сабраных, па сутнасці, у гарадской мяжы – Пячэрскім лесапарку.

«Ён не мог толкам растлумачыць, менавіта колькі і якіх грыбоў ужыў. А таксама навошта яму гэта спатрэбілася», – пракаментаваў выпадак загадчык аддзялення вострых атручванняў бальніцы Ігар Рудопіс.

Наколькі сур’ёзным было атручэнне, урачам высветліць не ўдалося. Пацыент сышоў недаабследаваным: палату ён пакінуў літаральна праз некалькі гадзін пасля таго, як туды трапіў. Гэта не адзіны выпадак у Магілёве ў гэтым сезоне, калі на бальнічны ложак трапляюць людзі, якія паласаваліся грыбамі. На шчасце, адзначыў Рудопіс, асабліва цяжкіх выпадкаў не зафіксавана. Часцей за ўсё нядобрыя сімптомы з’яўляліся ў тых аматараў белых і чырвонагаловікаў, каму такі цяжкі прадукт не паказаны зусім.

Медыкі нагадваюць: у грыбоў ёсць здольнасць назапашваць таксіны. Калі яны выраслі недалёка ад трас або прамысловых прадпрыемстваў, у кошык іх лепш не класці. А купляючы на рынку – пацікавіцца ў прадаўца дакументамі на радыяцыйную праверку.

СБ