Магілёў прымае заключны этап рэспубліканскай алімпіяды па працоўнаму навучанню і геаграфіі. Аб гэтым карэспандэнту сайта паведамілі ва ўпраўленні адукацыі аблвыканкама.

З 26 па 30 сакавіка больш за 180 вучняў устаноў агульнай сярэдняй адукацыі з усіх рэгіёнаў краіны і горада Мінска будуць правяраць свае веды на базе дзяржаўнага прафесійнага ліцэя №9 Магілёва імя А. П. Старавойтава і Магілёўскага дзяржаўнага эканамічнага прафесійна-тэхнічнага каледжа.

Урачыстая цырымонія адкрыцця рэспубліканскай алімпіяды адбудзецца сёння ў 16.00 у Абласным цэнтры творчасці, закрыцця – 30 сакавіка ў 11.00.