Першынство Беларусі па спартыўнай гімнастыцы пройдзе 14-17 лістапада ў магілёўскім Палацы гімнастыкі. Пра гэта карэспандэнту сайта паведамілі ў дзяржаўнай спецыялізаванай вучэбна-спартыўнай установе «Магілёўская гарадская спецыялізаваная дзіцяча-юнацкая школа алімпійскага рэзерву «Багіма» імя А. Р. Мішчанкі».

Па словах суразмоўцаў, у спаборніцтвах прыме ўдзел каля 70 наймацнейшых спартсменаў з усіх абласцей рэспублікі і горада Мінска. Гімнасты выступяць як у асабістым, так і камандным заліках. Дзяўчаты прадэманструюць майстэрства на бервяне, брусах, гімнастычным дыване і выканаюць апорны скачок. Мужчыны выканаюць практыкаванні на брусах, кольцах, кані-махах, перакладзіне, дыване, а таксама пакажуць апорны скачок.