Вельмі актыўна ў гэтыя дні дапамагае бізнес. Так, сваю дапамогу мясцоваму медперсаналу прапануюць ужо магілёўскія кафэ, як паведамілі ў праграме Навіны «24 гадзіны».

Вось, напрыклад, адна з устаноў зачынілася для наведвальнікаў, але нагрузка ў повараў толькі ўзрасла. За дзень тут будуць забяспечваць гарачым харчаваннем не менш за сотню медыкаў.

Прадуктаў, якія ў кафэ разлічвалі на месяц, па падліках уладальнікаў, хопіць на два тыдні. Урачы гатовыя бясплатна працаваць і далей, але гэта ўжо будзе залежаць ад актыўнасці тых, хто гатовы прыйсці на дапамогу прадуктамі, фінансамі.

Ігар Емашоў, уладальнік кавярні:

– Калі адгукнецца вялікая колькасць людзей, то ўся гэта дапамога намі цалкам будзе накіраваная на тое, каб на найбліжэйшыя месяц, два, тры распланаваць меню, закупіць прадукты і ўвесь гэты час рыхтаваць і адвозіць гарачыя абеды ў бальніцы.

Аляксандр Кузьмін, повар:

– Для ўрачоў, што змагаюцца з вірусам і дапамагаюць людзям, якія маюць патрэбу ў гэтым, гэта шаўрма чароўная. Мы сюды ўкладваем часцінку душы, каб нашы ўрачы ведалі, што мы думаем пра іх і падтрымліваем.

Зараз у кафэ распрацоўваюць меню. Гэта будуць ланч-боксы з паўнавартасным гарачым харчаваннем. Абеды повары абяцаюць зрабіць разнастайнымі і збалансаванымі.

СТВ