Магілёўская мытня за 2017 год пералічыла ў рэспубліканскі бюджэт Br212 млн. плацяжоў, што на 28% больш у параўнанні з паказчыкамі мінулага года. Пра гэта паведамілі на сходзе, дзе разглядаліся вынікі працы ведамства за мінулы год.

Падчас пасяджэння адзначана, што дзейнасць усіх супрацоўнікаў была арыентавана, у першую чаргу, на рэалізацыю умоў, неабходных для эфектыўнай знешнеэканамічнай дзейнасці суб’ектаў гаспадарання, спрашчэнне і паскарэнне мытных аперацый, удасканаленне мытнага адміністравання.

У завяршэнні сходу начальнік мытні Леанід Досаў падзякаваў ўсім супрацоўнікам ведамства за праведзеную працу і ўручыў нагрудныя знакі ДМК Рэспублікі Беларусь «За адзнаку» II ступені, ганаровыя граматы і сведчанні па выніках працы за 2017 год.