Магілёўская пяціборка Кацярына Эціна і Уладзіслаў Астроўскі з Мінска пазмагаюцца за ўзнагароды III летніх юнацкіх Алімпійскіх гульняў у Аргенціне. Яны прымуць удзел у спаборніцтвах па сучасным пяцібор’і.

У гэтай дысцыпліне будзе разыграна тры камплекты медалёў: у асабістым першынстве ў юнакоў і дзяўчат, а таксама ў змешанай эстафеце. Наша спартсменка значыцца сярод галоўных прэтэндэнтаў на медалі.

ІІІ летнія Юнацкія Алімпійскія гульні ў Буэнас-Айрэсе пройдуць з 6 па 18 кастрычніка. У склад беларускай каманды ўвайшло 37 спартсменаў і 18 трэнераў. Беларускія атлеты выступяць у 16 відах спорту (акрабатыка, жаночая барацьба, гімнастыка спартыўная, гімнастыка мастацкая, веславанне на байдарках і каноэ, веславанне акадэмічнае, дзюдо, лёгкая атлетыка, сучаснае пяцібор’е, стральба з лука, стральба кулявая, тэніс, настольны тэніс, парусны спорт, плаванне, скачкі на батуце).