Пяць асабістых і два агульнакамандныя прызавыя месцы прывезла каманда Магілёўскай вобласці з XI Рэспубліканскай летняй галіновай спартакіяды работнікаў ЖКГ, якая праходзіла ў Жлобіне 7-9 верасня.

Так, у спаборніцтвах па кулявой стральбе 3 месца заняла работнік Бабруйскага прадпрыемства цеплаэнергетыкі Ірына Садоўнікава. У першынстве па дартсе бронзавы медаль заваяваў Ілья Комлік (Асіповіцкі водаканал).

У спаборніцтвах па настольным тэнісе сярод мужчын трэцяе месца на рахунку Аляксандра Сяргеева з Магілёўскага спецаўтапрадпрыемства, другое – Наталлі Пенья Лопез (ЖРЭУ Ленінскага раёна г. Магілёва). Акрамя гэтага, у парным разрадзе нашы тэнісісты заваявалі сярэбраныя ўзнагароды. Як вынік – другое агульнакаманднае месца па настольным тэнісе.

Поспеху дабілася каманда Магілёўскай вобласці і ў першынстве па валейболе сярод мужчын, заваяваўшы ва ўпартай барацьбе другое месца. Гонар вобласці ў гэтым відзе спаборніцтваў абаранялі работнікі Бабруйскага водаканала, Шклоўскага жылкамгаса і прадпрыемства «Магілёўзелянбуд».

За крок ад п’едэстала апынуўся Аляксандр Курганаў, які заняў 4 месца (Магілёўскі «Гарводаканал», спаборніцтвы па більярдзе).

У спаборніцтвах сярод кіраўнікоўпа кулявой стральбе, якія праходзілі па-за асноўнага заліку, трэцяе і другое месцы – на рахунку старшыні і намесніка старшыні абласнога камітэта галіновага прафсаюза Уладзіміра Куляшова і Паўла Жуйкова.

Спартакіяда была арганізавана па сумесным рашэнні калегіі Міністэрства ЖКГ Рэспублікі Беларусь і прэзідыума Рэспубліканскага камітэта Беларускага прафсаюза работнікаў мясцовай прамысловасці і камунальна-бытавых прадпрыемстваў.