Магілёўскі фестываль аматарскіх кароткаметражных фільмаў «Словы» назаве пераможцаў другога сезона 23 жніўня. Фінальная цырымонія ў фармаце «Кіно пад адкрытым небам» пройдзе на этнахутары Зялёны Гай, паведаміў карэспандэнту сайта кіраўнік Цэнтра гарадскіх ініцыятыў Юрый Стукалаў.

На мерапрыемства, якое пачнецца ў 20.30, запрошаны аўтары конкурсных работ, члены журы, прадстаўнікі медыя, аматары кіно. Гледачы змогуць ацаніць фільмы-намінанты на перамогу ў конкурсе. У фінале вечара будуць абвешчаны імёны пераможцаў.

«Гледачы фінальнай цырымоніі ўбачаць свайго роду кінаальманах, які складаецца з кароткіх гісторый аб горадзе і гараджанах, расказаных самімі магілёўцамі, – адзначыў Юрый Стукалаў. – Гэта вельмі розныя па жанрах, аўтарскай манеры фільмы, але ўсе вельмі шчырыя, што робіць іх цікавымі, нават нягледзячы на нейкія тэхнічныя недасканаласці. Праўда, і тэхнічны ўзровень шматлікіх прац дастаткова высокі».

У гэтым годзе на конкурс паступіла 20 заявак ад 11 аўтараў (некаторыя аўтары дасылалі некалькі работ, што не супярэчыць правілам конкурсу).

Жадаючым прысутнічаць на фінальнай цырымоніі неабходна зарэгістравацца па спасылцы.