Гарадам Магілёў, Горкі, Касцюковічы, Шклоў прысвоена ганаровае званне «Горад, дружалюбны да дзяцей». Такое рашэнне было прынята 7 чэрвеня ў Мінску на пасяджэнні Каардынацыйнага савета па рэалізацыі ініцыятывы «Горад, дружалюбны да дзяцей і падлеткаў» у Рэспубліцы Беларусь.

Горад, дружалюбны да дзяцей, – гэта сучасны горад, у якім створаны прававая, сацыяльная і адукацыйная прасторы, якія забяспечваюць камфортнае пражыванне і ўсебаковае развіццё юных грамадзян, дзе дзеці і моладзь самі ўдзельнічаюць у распрацоўцы праграм і прыняцці рашэнняў, якія закранаюць іх інтарэсы.

Усяго да ініцыятывы далучылася 25 гарадоў Беларусі, 15 з іх прысвоена ганаровае званне «Горад, дружалюбны да дзяцей».