На пасяджэнні калегіі Камітэта дзяржкантролю Магілёўскай вобласці разгледжаны шэраг праблемных пытанняў, выяўленых у ходзе кантролю выканання ў рэгіёне ў 2016-2017 гадах мерапрыемстваў па захаванні і выкарыстанні меліяраваных зямель, уключаных у Дзяржаўную праграму развіцця аграрнага бізнесу ў Рэспубліцы Беларусь на 2016-2020 гады.

Асноўныя з іх – недастаткова эфектыўнае выкарыстанне бюджэтных сродкаў пры меліярацыі зямель, іх «замарожванне» у незапатрабаваных праектах (агульным коштам больш Br770 тыс.), завышэнне кошту будаўніцтва аб’ектаў меліярацыі (на Br29,2 тыс.).

Таксама ў вобласці не ў поўнай меры забяспечваецца эфектыўнае выкарыстанне меліяраваных зямель, дапускаюцца парушэнні правілаў эксплуатацыі меліярацыйных сістэм.

Па выніках пасяджэння калегіі Камітэтам для зацікаўленых выпрацаваны шэраг прапаноў, іх рэалізацыя ўзята на кантроль.