Месячнік бяспекі працы праходзіць на будаўнічых аб’ектах і пляцоўках рэгіёна да 3 лістапада. Магілёўскі аблвыканкам звяртае ўвагу на неабходнасць захавання нормаў і правіл аховы працы ў мэтах захавання жыцця і здароўя.

Створаны спецыяльныя мабільныя групы, у якія ўваходзяць спецыялісты пажарнай, санітарнай і іншых кампетэнтных службаў. На працягу месяца яны будуць абследаваць усе будаўнічыя пляцоўкі на адпаведнасць працоўных месцаў, абсталявання, машын і механізмаў патрабаванням нормаў і правіл аховы працы.

Асаблівую ўвагу нададуць выкананню будаўніча-мантажных работ, якія павінны адбывацца ў адпаведнасці з патрабаваннямі тэхнічных кодэксаў устаноўленай практыкі.