Месячнік па добраўпарадкаванні і навядзенні парадку праходзіць у Магілёўскай вобласці. Ён будзе доўжыцца па 19 верасня.

Асаблівая ўвага будзе нададзена добраўпарадкаванню і азеляненню тэрыторый населеных пунктаў, двароў, плошчаў, сквераў, вуліц, паркаў, зон адпачынку і іншых аб’ектаў сацыяльна-бытавога і культурнага прызначэння, мемарыяльных комплексаў, месцаў баявой і воінскай славы, тэрыторый арганізацый незалежна ад формы ўласнасці, будаўнічых пляцовак, участкаў, прылеглых да аўтамабільных дарог, ачыстцы падвалаў жылых дамоў.

Таксама маюць намер прывесці ў парадак прамысловыя зоны, грамадзянска-будаўнічыя кааператывы. Не застанецца без увагі вулічна-дарожная сетка, уезды ў двары, унутрыквартальныя праезды і інш Акрамя таго, будуць адноўлены тэрыторыі, якія былі парушаны падчас правядзення раскопак.