EPAM Belarus запрашае наведаць найбуйнейшую ў рэгіёне канферэнцыю, якая прысвечана інфармацыйным тэхналогіям і пройдзе 20 красавіка ў Палацы культуры вобласці (пр-т Пушкінскі, 7). На дзвюх сцэнах адначасова прагучаць даклады ад 20 экспертаў-практыкаў з Магілёва, Мінска і Гомеля. Ніякіх тэарэтыкаў! Сваімі прыкладнымі ведамі і вопытам падзеляцца спецыялісты з самых розных абласцей IT-сферы.

«Нямногія ведаюць, што ў Магілёве мы працуем над праектамі, якія дапамагаюць кампаніям – сусветным лідарам у абсалютна розных галінах – заставацца канкурэнтаздольнымі на глабальным рынку. Канферэнцыя – выдатная магчымасць расказаць аб тым, што і як мы робім. Першы MITCon атрымаў добры водгук ад калег і аднадумцаў. Мы зразумелі, што такія сустрэчы неабходныя IT-супольнасці Магілёва. Гэта не проста пляцоўка для абмену вопытам і знаёмства спецыялістаў, але таксама гэта выдатнае месца для прафесійных дыскусій, магутны рэсурс для атрымання ведаў пра змены ў галіне, якая імкліва развіваецца», – расказаў аб маючай адбыцца падзеі software engineering manager EPAM Аляксей Рабчанка.

На канферэнцыі эксперты падрабязна раскажуць аб прафесіі архітэктара рашэнняў і дэліверы-мэнэджара, разбяруць практычныя кейсы з абласцей back-end і front-end распрацоўкі, падзеляцца тонкасцямі прафесіі бізнес-аналітыка, прывядуць прыклады працы з метадалогіяй SСRUM, а таксама закрануць шэраг іншых практычных пытанняў.

Свае стэнды на канферэнцыі прадставяць адукацыйныя ініцыятывы рэгіёна і прафесійныя IT-супольнасці. Інавацыйная лабараторыя EPAM прэзентуе гасцям свае інавацыйныя праекты, а ў зоне eKids можна будзе больш падрабязна даведацца пра магчымасці навучання дзяцей і падлеткаў асновам праграмавання і робататэхнікі.

MITCon’ 2019 – канферэнцыя для тых, хто звязаны са сферай інфармацыйных тэхналогій або плануе пачаць кар’еру ў IT, хоча больш ведаць аб глабальных трэндах індустрыі і шукае магчымасці пагутарыць з экспертамі і аднадумцамі.

Час правядзення: з 10.00 да 19.00.

Падрабязны расклад MITCon-2019