Фестываль для пажылых людзей «Крэатыўны ўзрост» упершыню пройдзе ва ўсіх абласцях Беларусі на базе аграсядзіб. На Магілёўшчыне 23 верасня форум прыме «Шэрая шыйка» (Магілёўскі раён), паведамілі карэспандэнту сайта ў Беларускім грамадскім аб’яднанні «Адпачынак у вёсцы».

Мерапрыемства накіравана на прыцягненне ўвагі да праблем людзей «трэцяга ўзросту» ў сельскіх рэгіёнах і прывабліванне іх да творчай дзейнасці. Фестываль прымеркаваны да Дня пажылога чалавека (1 кастрычніка) і Года малой радзімы.

Праграма форуму ўключае шэраг трэнінгаў і майстар-класаў (кулінарных, па традыцыйных рамёствах, здаровым ладзе жыцця і інш.). На фестывалі будуць працаваць забаўляльныя і навучальныя тэматычныя зоны: «ЗЛЖ», «Бабулін куфар», «Фітабар», «Фуд-корт ад аграсядзіб», «Танцы ўсіх часоў, песні і гульні», «Белаграпрамбанк для ўсіх!», «Вучымся купляць праз інтэрнэт» і інш. Уваход на мерапрыемства вольны.

«Ідэю фестывалю «Крэатыўны ўзрост» падгледзелі ў Шатландыі. Яна натхніла нас зрабіць штосьці падобнае ў рэгіёнах Беларусі, – сказала старшыня праўлення БГА «Адпачынак у вёсцы» Валерыя Кліцунова. – Мы хочам паказаць велізарны патэнцыял людзей «узросту шчасця». На фестывалі яны падзеляцца сваімі ведамі, талентамі, уменнем жыць з аптымізмам. Наша мэта – даказаць, што пажылыя людзі запатрабаваны ў сучасным грамадстве і могуць жыць яркім і напоўненым жыццём, знаходзіць новыя захапленні, ствараць свой бізнес, праводзіць час з карысцю і задавальненнем».

Арганізатарам фестывалю з’яўляецца Беларускае грамадскае аб’яднанне «Адпачынак у вёсцы» пры падтрымцы Беларускага таварыства Чырвонага Крыжа, Міністэрства працы і сацыяльнай абароны, Міністэрства інфармацыі Беларусі.

Праграма фестывалю «Крэатыўны ўзрост» у аграсядзібе «Шэрая шыйка» Магілёўскага раёна

11.00 – 12.00 – сустрэча і рэгістрацыя гасцей і ўдзельнікаў фестывалю, экскурсія па сядзібе.

12.00 – 16.00 – работа тэматычных зон, выстаў, продаж сувеніраў.

Зона «ЗЛЖ»:
– майстар-клас па скандынаўскай хадзе;
– дыхальная гімнастыка па Стрэльнікавай;
– практыкаванні для вачэй па Жданаву;
– майстар-клас «Пазбаўляемся ад стрэсу»;
– майстар-клас па набыці навыкаў першай дапамогі;
– майстар-клас «Зніжаем ціск без лекаў»;
– майстар-клас «Зніжаем індэкс масы цела»;
– майстар-клас па сістэме «Цыгун»;
– віктарына «Здаровы лад жыцця».

Зона «Бабулін куфар»:
– «Бабулін куфар» – знаёмства з мясцовымі артэфактамі, гісторыямі, легендамі;
– майстар-клас па вырабе лялек-матанак;
– літаратурная гасцёўня;
– майстар-клас па цацках са шкарпэтак і рукавіц.

Зона «Натур-аптэка або фіта-бар»:
– выстава «Натур-аптэка»;
– фітачаі;
– «Кубак лячэбнага чаю ад Чырвонага Крыжа».

Зона «Крэатыўныя майстар-класы»:
– майстар-клас па вязанні кручком у тэхніцы «Амігурумі»;
– майстар-клас па паперапластыцы;
– майстар-клас па квілінгу;
– майстар-клас па бісерапляценні;
– майстар-клас па вырабе кветак, букетаў з кляновага лісця;
– «Парады для ўзрушальных фатаграфій на тэлефон»;
– майстар-клас па вырабе тканкавых брошак у стылі боха-шык;
– майстар-клас па вырабе падарункавых паштовак – скрапбукінгу

Зона «Фуд корт ад аграсядзіб Магілёўскага раёна»: уха, шурпа, бліны з начыннем.

Зона «Танцы усіх часоў, песні і гульні»:
– канцэрт «жывой музыкі»;
– майстар-клас па эстрадных танцах;
– школа танцаў «Новае дыханне»;
– студыя бальных танцаў «Серпанцін».

Зона «Белаграпрамбанк для ўсіх!»
– прэзентацыя праграмы «Клопат»
– майстар-клас па Інтэрнэт-банкінгу
– кансультацыі.

16.00 – 18.00 – падвядзенне вынікаў за кубкамчаю.