На падрыхтоўку ўстаноў адукацыі Магілёўшчыны да 2018/2019 вучэбнага года з бюджэту выдзелена Вг16 млн. Пра гэта паведаміў намеснік старшыні аблвыканкама Андрэй Кунцэвіч.

«Сістэмай адукацыі рэгіёна і органамі ўлады на месцах напярэдадні новага навучальнага года праводзіцца сур’ёзная праца па ўмацаванні матэрыяльна-тэхнічнай базы ўстаноў адукацыі, – адзначыў ён. – Напрыклад, на капітальны і бягучы рамонты школ толькі з бюджэту накіравана Вг16 млн. Яшчэ 2-3 гады таму гэтая сума была ў два разы меншая».

У гэтым годзе ў Магілёўскай вобласці капітальныя рамонты праводзяцца ў 25 установах адукацыі. На асобным кантролі знаходзяцца пытанні, звязаныя з перааснашчэннем і мадэрнізацыяй харчаблокаў школ рэгіёна. Амаль Вг1 млн. з пачатку 2018-га затрачана на набыццё халадзільнага і тэхналагічнага абсталявання.

У цяперашні час працуюць спецыяльныя камісіі па аглядзе ўстаноў адукацыі на прадмет іх гатоўнасці да пачатку навучальнага года і падпісання пашпартоў гатоўнасці. У асноўным да 23 жніўня гэтую працу плануецца завяршыць.