На палігоне «Асіповіцкі» з 3 студзеня па 30 мая будуць праходзіць баявыя стрэльбы артылерыйскіх падраздзяленняў Узброеных Сіл Беларусі. Пра гэта паведаміў начальнік палігона вайсковай часці 12147 Андрэй Зацарынны.

Ён падкрэсліў, што несанкцыянаванае пранікненне на тэрыторыю палігона можа аказацца смяротна небяспечным: пасля правядзення мерапрыемстваў баявой падрыхтоўкі тут магчыма знаходжанне неразарваных элементаў ракет і боепрыпасаў, выбухованебяспечных прадметаў.

Акрамя таго, за збор снарадаў і іншых выбухованебяспечных прадметаў прадугледжана крымінальная адказнасць. «Не адзінкавыя факты, калі людзі захоўваюць такія знаходкі дома або на дачных участках, збываюць, – адзначыў Андрэй Зацарынны. – Артыкулам 295 КК за незаконныя дзеянні з агнястрэльнай зброяй, боепрыпасамі і выбуховымі рэчывамі прадугледжана адказнасць – ад папраўчых работ да 7 гадоў пазбаўлення волі».