На пасяджэнні калегіі Камітэта дзяржкантролю Магілёўскай вобласці разгледжаны вынікі праверкі РУП «Магілёўэнерга». На прадпрыемстве кантралёры выявілі значныя рэзервы эканоміі дзяржаўных сродкаў, зніжэння сабекошту энергіі, якая рэалізуецца, дадатковых паступленняў.

Таксама выкрыты ў сферы энергетыкі шэраг праблемных пытанняў, якія патрабуюць заканадаўчага рэгулявання. У іх ліку: парадак індэксацыі кошту энергарэсурсаў, налічэння пені за несвоечасовую іх аплату, набыцця і правядзення разлікаў за электраэнергію, выпрацаваную аднаўляльнымі крыніцамі энергіі (ветрагенератарамі, сонечнымі станцыямі і інш.). Адпаведныя прапановы па ўдасканаленні заканадаўства накіраваны на разгляд Камітэту дзяржкантролю Рэспублікі Беларусь.

Па выніках пасяджэння калегіі Камітэтам Магілёўскаму аблвыканкаму, ДВА «Белэнерга», РУП «Магілёўэнерга» ўнесены канкрэтныя прапановы па павышэнні эфектыўнасці дзейнасці прадпрыемства. Іх рэалізацыя ўзята на кантроль.