З вядомымі помнікамі ў Магілёве і іншых буйных гарадах Беларусі здарылася нечаканая метамарфоза – яны аказаліся захутанымі ў жоўтыя шалікі і шапкі. Амаль 30 скульптур па ўсёй краіне ператварыў да зімы аператар velcom, прысвяціўшы ініцыятыву мабільным тарыфам з адпаведнай для гэтага назвай «Камфорт».

У Магілёве «ўцяплілі» «станцыйнага наглядчыка» ля чыгуначнага вакзала і задуменнага «Астролага» на Ленінскай вуліцы. Гардэроб таксама абнавіла «Дама з сабачкам» насупраць абласнога драматычнага тэатра.

«Камфорт патрэбны ўсім, у тым ліку і бронзавым персанажам, дзякуючы якім любы горад становіцца ярчэйшым, цікавейшым і прыязнейшым. Для многіх яны – частка сям’і і таксама маюць патрэбу ў клопаце. Гэтак жа, як і тарыфы «Камфорт», якія зрабілі мабільную сувязь даступнай і зручнай, жоўтыя шалікі заклікаюць надаць утульнасць гарадскому асяроддзю», – патлумачылі сутнасць ідэі ў velcom.