За першы дзень з пачатку продажаў на спектаклі XV Міжнароднага моладзевага тэатральнага форуму «М.@rt.кантакт–2020» раскупілі 1,2 тыс. білетаў, паведаміла намеснік дырэктара Магілёўскага абласнога драмтэатра Ірына Рабцава.

Найбольшым попытам карысталіся білеты на адкрыццё і закрыццё фестывалю, а таксама пастаноўку «Камедыя пра ўдаву» Маскоўскага тэатра імя Яўгена Вахтангава. Кошт білетаў у сярэднім складае Br20–25. На адкрыццё фэсту крыху больш – Br30–35. Набыць іх можна ў тэатральнай касе, а таксама праз Інтэрнэт.

Форум «М.@rt.кантакт–2020» стартуе 21 сакавіка. На працягу сямі дзён гледачам прапануюць 24 спектаклі 24 тэатраў з 11 краін свету. Іх паказ пройдзе на асноўнай і малой сцэнах Магілёўскага драмтэатра, тэатра лялек, канцэртнай залы «Магілёў» і на сцэне абласнога цэнтра творчасці. Упершыню ў маладзёжным клубе Cuba будзе рэалізаваны музычна-тэатральны праект, адзначыла Ірына Рабцава.

«Радыё Магілёў»