Натарыусы Магілёўскай натарыяльнай акругі 13 кастрычніка бясплатна пракансультуюць жыхароў і гасцей вобласці. Удзел у рэспубліканскай дабрачыннай акцыі, якая праводзіцца Беларускай натарыяльнай палатай і прымеркавана да Дня маці, прымуць усе натарыяльныя канторы і натарыяльныя бюро рэгіёна.

На працягу працоўнага дня атрымаць кансультацыю па пытаннях, якія ўваходзяць у кампетэнцыю натарыуса, у тым ліку афармлення спадчынных правоў, складання завяшчанняў, шлюбных дагавораў, адчужэння нерухомасці і здзяйснення выканаўчых надпісаў, зможа любы жадаючы.

Правядзенне ў межах прававой асветы насельніцтва падобных акцый і мерапрыемстваў, прымеркаваных да дзяржаўных святаў Беларусі і іншых памятных дат, для натарыяльнай супольнасці стала ўжо традыцыяй. Мэтай падобных мерапрыемстваў з’яўляецца забеспячэнне абароны правоў і законных інтарэсаў грамадзян, павышэнне ўзроўню правасвядомасці, прававой культуры і пісьменнасці насельніцтва.

Поўны спіс натарыяльных кантор і натарыяльных бюро, а таксама час іх працы можна ўдакладніць на сайце Беларускай натарыяльнай палаты ў раздзеле «Знайсці натарыуса».