У Магілёве 25-29 верасня пройдзе XIII Рэспубліканскі агляд-конкурс прафесійнага майстэрства сярод падраздзяленняў і супрацоўнікаў патрульна-паставой службы міліцыі, атрадаў міліцыі асаблівага прызначэння (АМАП) органаў унутраных спраў Рэспублікі Беларусь на прыз С.І. Васілеўскага. Пра гэта паведамілі ў аддзяленні інфармацый і грамадскіх сувязей УУС аблвыканкама.

За перамогу будуць змагацца найлепшыя патрульныя міліцыянеры і байцы АМАПа з усіх рэгіёнаў рэспублікі і Мінска ў складзе зборных каманд.

Урачыстае адкрыццё агляду-конкурсу адбудзецца 25 верасня ў 15.00 на базе АМАПа УУС (пас. В.Бароўка, вул. Кісялёва). У рамках мерапрыемства пройдзе адкрыццё абноўленага адміністрацыйнага будынка АМАПа УУС Магілёўскага аблвыканкама і памятнага знака АМАПа. Акрамя таго, будуць арганізаваны выставы службовых аўтамабіляў, зброі, фотаэкспазіцыя, палявая кухня.

26 верасня з 08.30 да 12.30 адбудуцца конкурсы па страявой, спецыяльнай, медыцынскай, з 14.00 да 17.00 па агнявой падрыхтоўцы (Магілёўскі інстытут МУС).

27 верасня з 09.30 да 12.30 на стрэльбішчы в/ч 72471 «Пашкава» ўдзельнікі сустрэнуцца на «Паласе перашкод».

28 верасня з 09.00 да 12.00 у культурна-спартыўным цэнтры «Лакаматыў» пройдуць спаборніцтвы па фізічнай падрыхтоўцы (практыкаванні на брусах, эстафета 3х800 м, эстафета па плаванні 3х50 м). З 14.50 да 17.00 на аўтастаянцы «Пячэрскі лесапарк» міліцыянеры вызначаць найлепшага вадзіцеля ў конкурсе «Хуткаснае манеўрыраванне на аўтамабілі».

Урачыстае закрыццё агляду-конкурсу, ушанаванне пераможцаў і прызёраў, святочны канцэрт адбудуцца ў Дзень утварэння патрульна-паставой службы – 29 верасня – у Магілёўскім інстытуце МУС. Пачатак у 11.00.

Арганізатары XIII рэспубліканскага агляду-конкурсу прафесійнага майстэрства сярод падраздзяленняў і супрацоўнікаў ППСМ, АМАПаў АУС Рэспублікі Беларусь на прыз С.І. Васілеўскага запрашаюць усіх жадаючых наведаць мерапрыемствы і пахварэць за каманды.