У свабоднай эканамічнай зоне «Магілёў» зарэгістраваны новы рэзідэнт – таварыства з абмежаванай адказнасцю «Акватэрмінал». Кампанія плануе пабудаваць у абласным цэнтры аўтасэрвіс, які будзе абсталяваны сучасным высокатэхналагічным абсталяваннем для аказання комплексу паслуг па шынамантажы і мыйцы грузавых аўтамабіляў, паведамілі ў адміністрацыі СЭЗ.

«Актуальнасць праекта тлумачыцца тым, што сёння на тэрыторыі СЭЗ «Магілёў» функцыянуе шэраг прадпрыемстваў, у якіх адгрузка гатовай прадукцыі, пастаўка сыравіны і камплектуючых ажыццяўляецца буйнатанажным аўтатранспартам, а ён мае патрэбу ў пастаянным сэрвісе, падкрэслілі суразмоўцы. – Таксама праз Магілёў ідзе вялікі аб’ём транзітных грузаперавозак аўтамабільным транспартам, якому таксама неабходны паслугі аўтасэрвісу».

Плануецца, што ў ходзе рэалізацыі праекта будзе створана 16 рабочых месцаў.