Клічаўская фермерская гаспадарка «Канстанта Арт» займаецца арганічным земляробствам. Кожны дзень тут выбіраюць сотню кілаграмаў агуркоў новага ўраджаю.

Фермер Віктар Арцем’еў вядзе свой праект з 2015 года і вырошчвае зеляніну і гародніну па прынцыпах арганічнага земляробства – на біягумусе і без выкарыстання хіміі. Раннія агуркі ўжо можна нарэзаць у салату, таматы – на падыходзе.

У цяпліцах амаль лета – вельмі цёпла, сонечна і зялёна. А ўсё пачыналася пяць гадоў таму са старога сельскага магазіна, будынак якога купіў фермер. І пасяліў у ім каліфарнійскіх чарвякоў, якія выпрацоўваюць біягумус – арганічнае ўгнаенне для раслін. Вырошчванне гародніны і зеляніны без хіміі – непарушнае правіла «Канстанты Арт», і менавіта яно, лічыць фермер, дае магчымасць маленькай фермерскай гаспадарцы ў глыбінцы канкурыраваць на рынку з вытворцамі масавай прадукцыі.

ТРК «Магілёў»