Падатковыя органы Магілёўскай вобласці з каардынацыйнага плана кантрольнай (нагляднай) дзейнасці на 2-е паўгоддзе 2017 года выключылі 47% праверак, правядзенне якіх было запланавана на кастрычнік – снежань. Пра гэта паведамілі ў прэс-цэнтры інспекцыі МПЗ па рэгіёне.

Ва ўмовах лібералізацыі эканомікі дадзеная мера мінімізуе ўмяшанне падатковых органаў у прадпрымальніцкую дзейнасць суб’ектаў гаспадарання. Пры гэтым кіраўнікам арганізацый і індывідуальным прадпрымальнікам неабходна памятаць пра ўзмацненне самакантролю за падаткаабкладаннем пры вядзенні бізнесу.

Указам №376 «Аб мерах па ўдасканаленні кантрольнай (нагляднай) дзейнасці» прадугледжваецца зрушэнне акцэнту кантралюючых органаў на прафілактычную і папераджальную працу, у тым ліку шляхам правядзення маніторынгу.

За студзень-верасень 2017 года па выніках маніторынгу магілёўскія падаткавікі накіравалі 25 рэкамендацый аб ліквідацыі парушэнняў, па выніках якіх сума добраахвотна выплачаных падаткаў у бюджэт склала Br76 тыс.