Трактар «Беларус МТЗ-3522» атрымала ў падарунак падсобная гаспадарка Клімавіцкага ЛВЗ ад ААТ «Мінск крышталь» – кіруючая кампанія холдынгу «МІНСК КРЫШТАЛЬ ГРУП».

Тэхніка прызначана для выканання шырокага спектру энергазатратных работ у сельскай гаспадарцы. Па характарыстыках яна з'яўляецца нават больш магутнай, чым знакаміты савецкі трактар 5-га цяглавага класа «Кіравец К-701».

Падарунак плануюць аддаць вопытнаму механізатару Сяргею Цыбану. Ужо ў бліжэйшы час трактар будзе задзейнічаны ў справе.