З 1 лютага 2018 года юрыдычныя асобы, якія ажыццяўляюць дзейнасць у гарадах абласнога падпарадкавання і Мінску, абавязаны забяспечыць прыём наяўных грашовых сродкаў і (або) банкаўскіх плацежных картак з выкарыстаннем касавага абсталявання з устаноўленымсродкам кантролю падатковых органаў.

Права прымаць па заканчэнні дадзенага тэрміну наяўныя грашовыя сродкі і (або) банкаўскія аплатныя карткі праз касавае абсталяванне без СКПО маюць арганізацыі, якія заключылі з РУП «Інфармацыйна-выдавецкі цэнтр па падатках і зборах» грамадзянска-прававы дагавор на ўстаноўку, абслугоўванне, зняцце СКПО, але не больш за шэсць месяцаў. Апошні тэрмін устаноўкі СКПО для гэтых арганізацый – да 1 жніўня 2018 года.

У выпадку выяўлення пасля 1 лютага фактаў выкарыстання касавага абсталявання без СКПО і без дагавора з РУП «ІВЦ» на ўстаноўку, абслугоўванне і зняцце СКПО, юрыдычныя асобы і іх службовыя асобы могуць быць прыцягнуты да адміністрацыйнай адказнасці ў адпаведнасці з часткай 1 артыкула 12.20 КаАП Беларусі.

Для юрыдычных асоб, якія ажыццяўляюць дзейнасць у гарадах раённага падпарадкавання, грамадзянска-прававы дагавор на ўстаноўку СКПО павінен быць заключаны да 1 чэрвеня 2018 г., для астатніх юрыдычных асоб – да 1 ліпеня.

Па пытанні заключэння дагавора звяртацца ў РУП «ІВЦ» (г. Магілёў, вул. Касманаўтаў, 19а, каб. 204, 205, тэл (+375 222) 771-762, тэл / факс (+375 222) 771-761, 8 (025) 600-25-88, skko.by). СКПО – спецыяльная электронная прылада для збору, апрацоўкі і перадачы інфармацыі аб грашовым абароце кожнага касавага апарата ў цэнтр апрацоўкі дадзеных. Інфармацыя аб выручцы перадаецца ў рэжыме рэальнага часу праз сотавую сувязь.