Патрыятычная акцыя «Звон смутку» пройдзе 22 чэрвеня ў 4 раніцы на мемарыяльным комплексе «Буйніцкае поле» (Магілёўскі раён). Мерапрыемства прымеркавана да Дня ўсенароднай памяці ахвяр Вялікай Айчыннай вайны. Пра гэта карэспандэнту сайта паведамілі ў абласным камітэце ГА «БРСМ».

У акцыі прымуць удзел прадстаўнікі выканаўчай улады, праваслаўнай царквы, члены патрыятычных клубаў вобласці, актыў БРСМ. Пачнецца мерапрыемства з мітынгу-рэквіема і хвіліны маўчання. Тут жа пройдзе літыя ў памяць аб загінулых на палях бітваў. Моладзь, якая збярэцца на Буйніцкім полі, выпусціць у неба зробленых сваімі рукамі галубоў – сімвалаў міру і любові. Таксама ўсіх чакае палявая кухня, дзе любы зможа пачаставацца гарачым чаем.

У гэтым годзе ўпершыню на мемарыяльным комплексе будзе працаваць ваенны палявы кінатэатр, дзе пакажуць створаныя брсмаўцамі кароткаметражныя фільмы, якія сталі пераможцамі абласнога этапу конкурсу «Мой фільм аб вайне».

Арганізатарамі акцыі з’яўляюцца Магілёўскі абласны камітэт ГА «БРСМ», Магілёўскі абласны і гарадскі выканаўчыя камітэты, Магілёўскі абласны савет ветэранаў, Магілёўская епархія Беларускай праваслаўнай царквы.